Misioni

Fondacioni Shoqëri e Hapur – Maqedoni është e përkushtuar për ndërtimin e shoqërive dinamike dhe tolerante, autoritetet e të cilave janë llogaridhënëse dhe të hapura për pjesëmarrjen e të gjithë qytetarëve. Misioni ynë është integrimi i brendshëm i shoqërisë si parakusht për integrimin e Maqedonisë së Veriut në Bashkimin Evropian.

Ne jemi të përqendruar në forcimin e sundimit të ligjit, mbrojtjen e të drejtave të njeriut dhe në ndërtimin e një shoqërie të hapur, ku qytetarët dhe organizatat qytetare janë të vetëdijshme dhe e kontrollojnë dhe e korrigjojnë në mënyrë aktive punën e pushtetit. Ne ndihmojmë në krijimin e politikave publike që sigurojnë drejtësi më të madhe dhe i mbrojnë të drejtat themelore të njeriut. Prioriteti ynë më i lartë është ta mbrojmë dhe ta përmirësojmë jetën e qytetarëve, veçanërisht të atyre që u përkasin grupeve të margjinalizuara.

Vlerat

• Ne besojmë në të drejtat themelore të njeriut, në dinjitet për të gjithë, si dhe në sundimin e ligjit
• Angazhohemi për përfshirjen e të gjithë qytetarëve në proceset e vendimmarrjes dhe kërkimin e llogarisë nga  autoritetet.
• Ne jemi të përkushtuar të krijojmë një shoqëri në të cilën të gjithë janë të lirë të marrin pjesë në mënyrë të barabartë në jetën civile, ekonomike dhe kulturore.
• Ne besojmë në zgjidhje të guximshme dhe inovative për çështje të diskutueshme dhe zgjidhje që promovojnë ndryshime sistemore.
• Ne angazhohemi për një debat kritik dhe besojmë në respektimin e mendimeve të ndryshme.
• Ne besojmë në një reagim të shpejtë dhe fleksibël ndaj kërcënimeve kritike për shoqërinë e hapur.
• Ne jemi të përkushtuar të krijojmë një shoqëri që e trajton pabarazinë mbi baza të ndryshme.
• Ne i mbështesim aktivisht qytetarët në përpjekjet e tyre për të bërë ndryshime për të mirë.