Posta e vogël nr. 1310, e preferuar nga qytetarët e lagjes Pero Çiço në Kumanovë, më në fund mori një pamje të re.
Posta e vogël ndodhet në një hapësirë publike të rrethuar nga një kënd lojërash, gjelbërim dhe përmbajtje për fëmijë, por fasada ishte e shkruar me mbishkrime të pahijshme. Pikërisht për shkak të vendndodhjes së këtij objekti në hapësirën publike, Qendra për Arte Bashkëkohore Shkup së bashku me një grup artistësh lokalë nga Kumanova erdhën tek ideja që fasadën ta zbukurojnë me murale.
Ideja e Iniciativës Lokale për pikturimin e Postës së Vogël me motive postare nga tema bashkëkohore dhe historike ishte e një grupi artistësh të rinj nga lagjja Pero Çiço, të udhëhequr nga artisti Dejvid Stoillkovski.
Frymëzimi për këtë aksion janë 18 muajt e fundit të periudhës së pandemisë, kur në fakt të gjithë ishim të bindur personalisht për rëndësinë e shërbimit postar dhe shërbimeve postare.
Dejvid Stoillkovski, i lindur më 1997 në Kumanovë. Është diplomuar në Akademinë e Arteve të Bukura, dega e Grafikës në klasën e prof. Sllavica Janeshlieva.
Ekspozitat: 2017/2018 – Bashkë-organizator dhe pjesëmarrës i festë së grafiteve në Kumanovë, Pjesëmarrës në ekspozitën e grafistët e Kumanovës. 2019 – Grafika bashkëkohore maqedonase – Aksion grafik Shkup – Split, Ekspozita “Qyteti” në Galerinë Mobile/Të Montuar, Ekspozita e grafikave në miniaturë Ex Libris në Shkup, 2020 – Ekspozita e vizatimeve “lockdown sketches”, Kumanovë. Merr pjesë në projekte të ndryshme për vizatimin e muraleve dhe grafiteve në Kumanovë, Koçanë, Çashkë, SHBA, Mal të Zi dhe Austri. Fitues i çmimit Dragutin Avramovski Gute për veprën më të mirë grafike të realizuar për vitin 2019
—————————————————
6 Korrik 2021