Këshilli drejtues i Fondacionit Shoqëri e Hapur – Maqedoni vendosi të bashkëpunojë me pesë organizata të shoqërisë civile që do të ofrojnë ndihmë juridike për qytetarët e komunave të Ohrit, Dojranit, Karposhit, Zhelinës dhe Prilepit, për rastet që lidhen me korrupsionin dhe konfliktin e interesave.
Organizatat e shoqërisë civile me të cilat do të bashkëpunojë FSHHM-ja janë:
- Shoqata ”Izbor” (Strumicë), përmes projektit “Sisteme të forcuara të integritetit për luftimin e korrupsionit në nivel lokal” me vlerë prej 434 dollarësh, do të sigurojë ndihmë juridike për qytetarët e komunës së Dojranit;
- Shoqata për Edukim Ligjor dhe Transparencë “STANICA P.E.T.” (Prilep) përmes projektit “Edukimi ligjor për luftimin e korrupsionit!” me vlerë prej 600 dollarësh, do të sigurojë ndihmë juridike për qytetarët e komunës së Prilepit;
- Shoqata Multikultura (Tetovë), përmes projektit “Për një komunë p korrupsion” me vlerë prej 575 dollarësh, do të sigurojë ndihmë juridike për qytetarët e komunës së Zhelinës;
- Shoqata Organizata Edukative-Humanitare EHO (Shtip), përmes projektit “Fuqizimi ligjor i qytetarëve për të luftuar korrupsionin dhe konfliktin e interesave në nivel lokal” me vlerë prej 600 dollarësh, do të sigurojë ndihmë juridike për qytetarët e komunës së Ohrit;
- Shoqata Koalicioni i shoqatave qytetare “Të gjithë për gjykim të drejtë” përmes projektit “Korrupsion? Jo në komunën time!” me vlerë prej 586 dollarësh, do të sigurojë ndihmë juridike për qytetarët e komunës së Karposhit.
Organizatat e shoqërisë civle do të sigurojnë ndihmë juridike për qytetarët që kanë vërejtur korrupsion dhe konflikt të interesave; do të marrin pjesë në promovimin e mundësive për ofrimin e ndihmës juridike në komunën përkatëse: do t’i informojnë dhe do t’i edukojnë qytetarët për mundësitë e raportimit të korrupsionit dhe konfliktit të interesave në pesë komunat: Ohër, Dojran, Zhelinë, Karposh dhe Prilep.
Bashkëpunimi me këto organizata të shoqërisë civile dhe aktivitetet e tyre janë pjesë e projektit “Sisteme të forcuara të integritetit për luftimin e korrupsionit në nivel lokal”, të cilin e implementon Fondacioni Shoqëri e Hapur – Maqedoni në kuadër të Projektit të USAID-it për Pjesëmarrje Qytetare. Më shumë informacion mbi Projektin e USAID-it për Pjesëmarrje Qytetare mund të gjeni në https://cep.mk/ dhe https://www.facebook.com/CEPNorthMacedonia
Përmbajtja e kësaj ueb-faqeje nuk i pasqyron pikëpamjet e Agjencisë së Shteteve të Bashkuara për Zhvillim Ndërkombëtar ose të Qeverisë së Shteteve të Bashkuara të Amerikës.
—————————————————
2 Shtator 2020