На 11 април, 2018 г. во хотел Холидеј Ин во Скопје, во рамки на Концептот за меѓуетничка интеграција во образованието се одржа завршен настан на кој беа презентирани наодите од истражувањето „Инфраструктурата и техничко-технолошка опременост на основните училишта во Македонија: состојба и проекции“.
Ова истражување беше спроведено од тимот на Здружението на млади аналитичари и истражувачи (ЗМАИ) во рамки на проектот „Инфраструктурата и рамномерниот развој на основните училишта во Македонија’’ поддржан од Фондацијата Отворено општество- Македонија. Целта на истражувањето беше да се утврди моменталната состојба во училиштата со инфраструктурата и техничка опрема, да се идентификуваат разликите во развојот на училиштата помеѓу општините и регионите, да се направи проценка на неопходните инвестиции за унапредување на училишната инфраструктура и обезбедување на неопходната техничка опрема и да се дадат препораки за подобрување на состојбата. На настанот беа присутни претставници на Министерството за образование и наука на РМ (МОН), на локалните самоуправи, училиштата и граѓански општините во регионите организации кои работат во областа на образованието. „Скопските општини се многу поразвиени од останатите општини, меѓутоа може да се забележи и голема разлика во развиеноста помеѓу општините од регионите “-истакна Виктор Стојкоски од ЗМАИ. Државната советничка Назиктере Сулејмани потенцираше дека МОН со внимание ги проследи извештајот и препораките и веќе презема активности во насока на подобрување на ваквата состојба.
За целосното истражување кликнете тука.
—————————————————
18 април 2019