Намалувањето на квалитетот и назадувањето на демократските процеси и практики е неповолен повеќегодишен тренд како во развиените, така и во демократиите кои се во процес на созревање и опоравување. Сè поприсутно е растечкото незадолство, но и заситеноста на граѓаните од неефективните форми на учество, што резултира/создава пасивно и апатично граѓанство. Опаѓаат, исто така, високите очекувања за достигнувањата на застапувачките напори на граѓанските организации за суштинска промена на политиките. Незадоволстото од неповолните трендови и состојби, покрај со неучество се изразува и преку протести. Огромна е низата на форми на притисок врз властите и институциите.
Се зголемува бројот на организации, активистички јадра и платформи за активистичко дејствување, кои користат разни медиуми и алатки, преку акциите со куси и јасни пораки, имаат цел да предизвикаат интерес за ангажман и кај пошироката јавност, специфичните публики и властите. Јавниот простор, вклучително и социјалните мрежи, се сè поатрактивни и за властите и за активистите. Сè повеќе креативниот активизам, самостојно или во комбинација со постоечки форми на граѓански притисок и застапување, станува форма на ангажман преку кој се поттикнуваат и создаваат услови за промени како на конкретните и актуелни политики, така и на културните и политички орентирани практики.
Овој настан е обид да се иницира систематско отсликување на артивистичкиот простор во Македонија со цел да се лоцираат актерите и форматите на дејствување, да се препознаат идеолошките, стратешките и тактички искуства и идни чекори на креативниот активизам кој е насочен да влијае врз општествените промени. Лоцирана е и потребата да се забележат и анализираат факторите на успешност на овие ангажмани. Еднакво важно е да се разменат научените лекции како на традиционално ангажираните уметници и активисти, така и на оние кои се нови на сцената. На конференцијата ќе присуствуваат активисти и теоретичари од регионот и со тоа овој обид ќе биде и можност за создавање платформа за меѓусебно запознавање, препознавање, поддршка, развивање и иницирање на идни артивистички дејствувања.
ПРОГРАМА
09:30 – 10:00 Регистрација на учесниците
10:00 – 11:10 „Креативниот активизам за/и општествени промени – само тренд или препознаена потреба со иднина?“
- Славица Инџевска, Програмска директорка, Фондација Отворено општество – Македонија
- Игор Штикс, писател
Модератор: Владимир Јанчевски
11:10 – 11:30 Пауза за кафе муабет
11:30 – 13:00 Панел дискусија „Креативниот активизам во Македонија: што научивме од тоа што направивме?“
- Никола Писарев, Установа Центар за современи уметности – Скопје
- Мите Кузевски, Фондација за дебата и едукација ИДЕА Југоисточна Европа
- Ивона Кузмановска, Младински образовен форум
Модераторка: Калиа Димитрова
13:00 – 13:30 Распоредување за паралелни панел дискусии и закуска
13:30 – 15:00 Паралелни панел дискусии „Арт/активизам на дело – одземање/заземање на јавниот простор: Чуму сето тоа?“ (прв дел)
Стрит арт и урбани акции
- Драган Китановски – Драш, стрит уметник
- Аријанит Џафери, Еко герила, Тетово
- Иван Чулаковски, Граѓанска иницијатива „Поинаку“ Битола
- Теодора Георгиева, Штип арт активизам
- Ненад Стојановиќ, Проактив, Ниш, Србија
Модераторка: Слободанка Стевчевска
Социјални мрежи – мегдан или мобилизаторска алатка
- Ирена Ристиќ, активистка, #Не биди ѓубре
- Елена Георгиевска, Скопје смог аларм
- Ена Бендевска, Медуза.мк
Модератор: Горан Костовски
15:00 – 15:30 Пауза
15:30 – 17:00 Паралелни панел дискусии „Арт/активизам на дело – одземање/заземање на јавниот простор: Чуму сето тоа?“ (втор дел)
До публиките со уметност за промени
- Кочо Андоновски, Центар за поддршка на ЛГБТИ
- Симона Спировска, Артопија
- Бесфорт Идризи, Детски театарски центар
- Висар Арифај, Силна партија, Косово
- Гоце САФ, музичар
- Сибел Абдиу, режисерка
Модераторка: Александра Бубевска
Со слика до акција
- Иван Блажев, фотограф
- Ѓорѓе Јовановиќ, уметник
- Игор Грубиќ, уметник, Хрватска
- Софија Григориаду, уметница, Грција
Модератор: Бошко Караџов
17:00 – 17:45 “Граѓаните и заедниците со креативен ангажман сојузници во промените кои носат подобро утре за сите”
Завршен осврт, дискусија и препораки: Искра Гешоска, Контрапункт, Скопје
17:30 – 20:00
Работилници „Магија за промена“
Претстава „Не плаќам“, режија: Бесфорт Идризи
Забава и коктел