Në kuadër të projektit Të rregullt në orë: aksion për përfshirjen e romëve në arsimin fillor, Fondacioni Shoqëri e Hapur – Maqedoni së bashku me partnerët e tij Shoqatën – Qendra për Mbështetje Arsimore “Dendo Vas” dhe Fondacionin për Iniciativa Arsimore dhe Kulturore “Hap pas hapi” shpall konkurs për ndarjen e bursave për 333 nxënës romë të regjistruar në klasën e parë në vitin shkollor 2020/2021. Qëllimi i këtyre bursave është që duke e zvogëluar barrën financiare për familjet më të rrezikuara rome që lidhet me shkollimin e fëmijëve të tyre, të sigurohet përfshirje më të madhe e romëve në arsimin fillor, ndjekje e rregullt e mësimit dhe kalim i suksesshëm në klasat e ardhshme. Mjetet për projektin dhe bursat janë siguruar nga Bashkimi Europian.
Informata themelore për bursat
- Bursa vlen për periudhën prej një viti shkollor (10 muaj) dhe është e dedikuar për t’i mbuluar shpenzimet e shkollimit të fëmijëve, ushqimit, veshjes, mjeteve/materialeve shkollore, pajisjeve sportive dhe pajisjeve të tjera për aktivitete jashtëshkollore të fëmijëve. Vlera e paraparë e bursës është 400 euro në vit, në kundërvlerë në denarë. Bursa do të paguhet në llogarinë e transaksionit të nënës, babait ose kujdestarit/kujdestares.
- Ruajtja e bursës gjatë vitit shkollor aktual 2020/2021, si dhe rinovimi i bursës për vitin e ardhshëm shkollore 2021/2022 do të varen nga rregullsia e nxënësit në mësim, si dhe nga kalimi i suksesshëm në klasën e ardhshme.
Mundësi për të aplikuar në konkurs kanë:
- Nxënësit romë të regjistruar në klasën e parë në vitin shkollor 2020/2021;
- Nxënësit, familjet e të cilëve marrin ndihmë të garantuar minimale;
- Nxënësit që nuk shfrytëzojnë ndonjë bursë tjetër të siguruar nga mjetet e Bashkimit Evropian.
Dokumentet e nevojshme për aplikim
- Fletëparaqitja për ndarjen e bursave për nxënësit romë të regjistruar në klasën e parë në vitin shkollor 2020/2021
- Vërtetim origjinal nga shkolla se është nxënës i rregullt në klasën e parë, i regjistruar në vitin shkollor 2020/2021. Vërtetimi duhet të jetë i nënshkruar dhe i vulosur nga shkolla.
- Vërtetim origjinal nga Qendra për Punë Sociale për shfrytëzimin e ndihmës minimale të garantuar, jo më i vjetër se 6 muaj.
Kriteret për ndarjen e bursave
Kriteret themelore për ndarjen e bursave janë:
- nxënësit romë të regjistruar në klasën e parë në vitin shkollor 2020/2021;
- familja e tyre të jetë shfrytëzues i ndihmës minimale të garantuar.
Në rast se ka më shumë se 333 kandidatë që i plotësojnë kriteret bazë për ndarjen e bursave, përparësi do t’u jepet nxënësve romë:
- që vijnë nga familjet me një prind;
- që vijnë nga familjet me shumë fëmijë;
- familjet e të cilëve përfshijnë persona me çfarëdo lloj aftësie të kufizuar;
- përparësi do t’u jepet nxënëseve – një minimum prej 60% të bursave do t’u jepen vajzave;
- nëse është e nevojshme, projekti do të përcaktojë kritere shtesë për përzgjedhjen e kandidatëve.
Në rast se nevojiten dokumente shtesë për ta konfirmuar besueshmërinë e të dhënave të deklaruara në kërkesë, ato do të kërkohen.
Familjet e kandidatëve që do të marrin bursë nuk e humbin të drejtën për ndihmën minimale të garantuar, në përputhje me nenin 4 të “Rregullores për mënyrën e ushtrimit të së drejtës për ndihmë minimale të garantuar…” (Gazeta Zyrtare e RMV-së, nr. 109 e datës 28.05.2019): Gjatë ushtrimit dhe shfrytëzimit të së drejtës për ndihmë minimale të garantuar, bursa nuk konsiderohet si e ardhur.
Afati i fundit për aplikim është është 15 shtator (e martë) 2020.
Aplikimet dorëzohen:
- me postë në adresën e Fondacionit Shoqëri e Hapur – Maqedoni: Bul. Jane Sandanski 111, fahu postal 378, 1000 Shkup ose
- personalisht në shkollën ku është i regjistruar fëmija.
Për aplikimet e dërguara me postë, si koha e paraqitjes së aplikacionit do të konsiderohet koha e dorëzimit të fletëparaqitjes/dërgesës në postë. Kandidatët do të njoftohen me postë për rezultatet e konkursit.
Aplikimi për konkursin mund të gjendet në shkollën tuaj, te Fondacioni Shoqëri e Hapur – Maqedoni dhe në Qendrën për Mbështetje Arsimore “Dendo Vas” (rr. Plaçkovica 51, Shuto Orizare, Shkup).
Informacione shtesë rreth konkursit mund të merrni:
– me telefon në 02/2477 107; 071/232 861; 070/309 373
– me e-mail redovnonacasovi@fosm.mk
Tekstin e plotë të konkursit si dhe fletëparaqitjen mund t’i gjeni në dokumentet shtesë më poshtë.
—————————————————
15 Qershor 2020