Fondacioni Shoqëri e Hapur – Maqedoni (FSHHM) shpall Thirrje për konsulent/e për zhvillimin e metodologjisë për monitorimin e zbatimit të Ligjit për Ndihmën Juridike Falas dhe përgatitjen e Raportit në kuadër të projektit “Qasja në drejtësi për më të margjinalizuarit” në bazë të Marrëveshjes së Grantit midis FSHHM-së dhe Bashkimit Evropian nr. NEAR-TS/2019/411-575.
Informata për projektin
Projekti “Qasja në drejtësi për më të margjinalizuarit” zbatohet në periudhën janar 2020-korrik 2021 nga ana e FSHHM-së, HOPS – Opsione për jetë të shëndoshë Shkup dhe Shoqata për Edukim Ligjor dhe Transparencë “STANICA P.E.T.” Prilep, i mbështetur financiarisht nga Bashkimi Evropian.
Qëllimi i projektit është të sigurojë mbrojtjen e të drejtave të njeriut përmes fuqizimit ligjor për ta avancuar qasjen në drejtësi për grupet më të margjinalizuara të qytetarëve, me fokus tek romët, njerëzit që përdorin drogë, punëtorët seksualë, fëmijët dhe familjet në rrezik social dhe komunitetet e tjera të cenueshme. Qëllimet specifike të projektit janë: Qasje e përmirësuar në drejtësi dhe fuqizim ligjor për grupet e margjinalizuara përmes ofrimit të vazhdueshëm të shërbimeve juridike dhe parajuridike me cilësi; Kapacitete të përforcuara të organizatave të shoqërisë civile (OSHC) dhe të institucioneve përkatëse në nivel lokal dhe qendror për të siguruar mbrojtjen e të drejtave të njeriut; Politika dhe praktika të avancuara të bazuara në prova që përmbajnë qasje të bazuar në të drejtat e njeriut dhe në përputhje me nevojat e komuniteteve të margjinalizuara.
Projekti zbatohet përmes disa ndërhyrjeve në grup të projektit që përfshijnë: Sigurimin e shërbimeve juridike dhe parajuridike cilësore për avancimin e të drejtave të mbrojtjes shëndetësore dhe sociale dhe të drejtat e tjera të njeriut për komunitetet e margjinalizuara; Aktivitete për fuqizimin ligjor të bashkësive të synuara të margjinalizuara për vetëpërfaqësim në realizimin e të drejtave; Aktivitete të dukshmërisë së projektit; Ndërtimi i kapaciteteve të OShC-ve dhe përfaqësuesve të institucioneve përkatëse në nivel kombëtar dhe lokal për të përmirësuar shërbimet e tyre; Dokumentimi i rasteve të të drejtave të shkelura të anëtarëve të komuniteteve të margjinalizuara; Vëzhgimi i zbatimit të Ligjit për Ndihmën Juridike Falas; Aktivitete të përfaqësimit për zbatimin e përpjekjeve për qasje në drejtësi të përfshira në PAK të katërt për Partneritet për Qeveri të Hapur (2018-2020) dhe për përfshirjen e qëllimit të qëndrueshëm 16.3 në legjislacionin kombëtar.
Detyrat e punës dhe përgjegjësitë
Në kuadër të projektit do të angazhohet një (1) konsulent/e. Detyra kryesore është të zhvillohet metodologjia për monitorimin e zbatimit të Ligjit për Ndihmën Juridike Falas. Detyrat specifike të punës janë:
- Identifikimi i burimeve të të dhënave dhe i literaturës që mund të përdoret në përgatitjen e Raportit
- Zhvillimi i metodologjisë për monitorimin e zbatimit të ligjit
- Identifikimi i institucioneve kompetente (poseduesit e informacioneve) dhe formulimin e pyetjeve për qasje të lirë në informata
- Përgatitja e mjetit për monitorimin e zbatimit të ligjit përmes analizës së kapaciteteve ekzistuese dhe punës aktuale të shoqatave të autorizuara dhe njësive rajonale të Ministrisë së Drejtësisë
- Përgatitja e Raportit për zbatimin e Ligjit për Ndihmën Juridike Falas, i cili do të përmbajë mangësitë, konkluzionet dhe rekomandimet e identifikuara
Përgjegjësitë e punës janë:
- Komunikimi dhe koordinimi i rregullt me ekipin e projektit
- Përgatitja dhe dorëzimi i formularit për evidencën e orarit të punës
- Përmbushja e detyrave brenda afatit të caktuar
Korniza kohore
Aktivitetet do të zbatohen në tre pjesë në periudhën prill 2020 – maj 2021, si vijon:
| Detyra | Afati i fundit për realizim |
| Zhvillimi i metodologjisë dhe përgatitja e mjeteve | Prill 2020 |
| Analiza e të dhënave të mbledhura | Prill 2021 |
| Përgatitja e Raportit | Maj 2021 |
Kualifikimet e kërkuara
- Të paktën 3 vjet përvojë në fushën e qasjes në drejtësi për grupet e margjinalizuara
- Përvojë në hulumtime dhe përgatitje të raporteve për zbatimin e ligjeve
- Njohuri për sistemin e ndihmës juridike falas në Republikën e Maqedonisë së Veriut
Mënyra e aplikimit
Kandidatët/et e interesuar/a duhet të dorëzojnë një biografi të shkurtër (CV) me referenca relevante dhe linke deri te raportet dhe analizat e përgatitura më parë, plan për kryerjen e aktiviteteve dhe ofertë financiare në denarë me tatim të përfshirë personal, në e-mailin a2j@fosm.mk me shënimin “Thirrje për konsulent/e”, më së voni deri më 16.03.2020 deri në ora 16:00.
Aplikimet jo të plota dhe të dorëzuara jashtë afatit nuk do të merren parasysh.
Të gjithë kandidatët/et e paraqitur/a do të njoftohen për konsulentin/en e zgjedhur.
Adresa e e-mail-it për kontakt: a2j@fosm.mk
—————————————————
5 Mars 2020