Trajnime për arsimtarët nga komunitetet më të vogla

164 arsimtarë nga shkollat në të cilat mësimi zhvillohet në gjuhën maqedonase, turke, serbe ose boshnjake, të cila janë pjesë e projektit të FSHHM-së, që ka për qëllim përmirësimin e cilësisë së arsimit të nxënësve nga komunitetet më të vogla, morën pjesë në trajnimet për zhvillimin e mendimit kritik te nxënësit, si dhe për praktikë cilësore pedagogjike.

Përmes trajnimit “Me lexim dhe shkrim deri te të menduarit kritik”, arsimtarët e lëndës, përmes të mësuarit nga përvoja, gjegjësisht orëve model, u njohën me metodat e mësimdhënies që i mundësojnë nxënësit të mësojë në mënyrë aktive dhe të mendojë në mënyrë kritike. Në trajnimin “Praktika cilësore pedagogjike e shekullit 21”, i cili ishte e dedikuar për arsimtarët e klasave të ulëta nga shkollat e njëjta, arsimtarët u njohën me parimet për realizimin e mësimit modern, i cili e vendos nxënësin në qendër të procesit mësimor. Trajnimet u realizuan në partneritet me FIAKM Hap pas hapi dhe në bashkëpunim me Drejtorinë për avancimin e arsimit të komuniteteve, dhe u mbajtën prej 24 deri më 27 qershor në Ohër dhe Strugë.