Ministria e Shoqërisë Informatike dhe Administratës, në bashkëpunim me Këshillin për PQH, Rrjetin e Organizatave të Shoqërisë Civile për PQH dhe me mbështetjen e Sekretariatit për Partneritetin për Qeveri të Hapur, ka përgatitur një Propozim-Plan Aksional Kombëtar për Partneritetin për Qeveri të Hapur 2020-2023.
Republika e Maqedonisë së Veriut i ka njohur rezultatet në proceset e qeverisë së hapur. Që nga bashkimi në iniciativën e Partneritetit për Qeveri të Hapur (PQH). vitin 2011, Maqedonia e Veriut me përkushtim e ka ndjekur angazhimin dhe përfshirjen më të madhe të qytetarëve në procesin e vendimmarrjes, futjen e standardeve më të larta të integritetit dhe qasje më të madhe në teknologji për të gjithë qytetarët.
Plani i Pestë Kombëtar Aksional (PKA) ndërlidhet me intensitetin e mëparshëm duke ndërmarrë angazhime për rritjen e pjesëmarrjes së publikut dhe ofrimin e zgjidhjeve vërtet transformuese. Ai e njeh gjithashtu nevojën e sektorit publik për të inovuar, për të zhvilluar politika që i plotësojnë nevojat e qytetarëve në përgjigje të tendencave moderne.
Plani i ri i Partneritetit për Qeveri të Hapur për periudhën 2021-2023 e konfirmon nevojën për thellimin e angazhimeve të mëparshme dhe përmirësimin e cilësisë së tyre. Ai fokusohet në përpjekjet për qasje në drejtësi, fuqizimin ligjor të qytetarëve dhe promovimin e mbrojtjes ligjore veçanërisht të të rinjve, grupeve të margjinalizuara dhe grave, promovimin e ofrimit të shërbimeve publike, vazhdimin e aktiviteteve në lidhje me zbulimin publik të informacionit për pronarët e vërtetë, hapjen e të dhënave të reja, si dhe aktivitetet për parandalimin e korrupsionit dhe mbrojtjen e mjedisit jetësor dhe ndotjen e ajrit. Pritet që pas një periudhe dyvjeçare të realizimit të përpjekjeve të përcaktuara në këtë plan, të sigurohet njohja reale e rezultateve, ndërsa qytetarët do të mund ta konfirmojnë ndryshimin.
Për të siguruar një mënyrë sistematike të planifikimit dhe zbatimit të procesit të konsultimit, e cila do të sigurojë një proces në kohë, të pandërprerë, gjithëpërfshirës dhe transparent të bashkë-krijimit të PA-së së re, në vitin 2020 u përcaktua mënyra e zbatimit të procesit të bashkë-krijimit të PKA për PQH 2021-2023, si dhe Procedura për kryerjen e konsultimeve me palët e interesuara për krijimin e prioriteteve dhe angazhimeve të reja në kuadër të procesit të PQH me afat kohor, Thirrje publike për të paraqitur pjesëmarrje në procesin e bashkë-krijimit të PKA për PQH 2021 -2023 dhe Udhëzime për zbatimin e një pyetësori për vlerësimin e zbatimit të masave të PKA-së për PQH 2018-2020 dhe nevojën për përfshirjen e tyre në PKA-në e re. Gjithashtu u përgatitën edhe materiale që dolën nga procedura e kryerjes së konsultimeve: Plani i promovimit të thirrjes publike, Materiali edukativ dhe Kriteret për vlerësimin e relevancës dhe lidhshmërisë me parimet e PQH-së. Të gjitha dokumentet janë të disponueshme në portalin për PQH.
Bazuar në një procedurë të parashikueshme dhe të rregulluar siç duhet të procesit të bashkë-krijimit në shtator të vitit 2020 në një mjedis dinamik dhe gjithëpërfshirës, filloi procesi i përgatitjes së Planit të Pestë Kombëtar Aksional për Partneritetin për Qeveri të Hapur për periudhën 2021-2023.
Në kuadër të procesit të bashkë-krijimit, janë mbajtur 3 takime informative-edukative online, 12 takime online për identifikimin e nevojave dhe problemeve, analizë të aktiviteteve të ndërmarra aktualisht për zgjidhjen e problemeve, institucionet e përfshira, prioritizimi i masave, punëtori për identifikimin dhe zhvillimin e angazhimeve, si dhe mbi 60 takime individuale për përcaktimin dhe harmonizimin e propozim-angazhimeve, takim ministror për PQH dhe dy e-punëtori për Transparencë dhe llogaridhënie në sektorin publik dhe Menaxhment të bazuar në interesat dhe nevojat e qytetarëve, të cilat siguruan finalizimin e angazhimeve që janë pjesë e planit të ri aksional.
MSHIA-ja i fton të gjitha palët e interesuara, institucionet, OJQ-të dhe qytetarët e interesuar që të dërgojnë propozimet, rekomandimet dhe komentet e tyre për Propozim-Planin Kombëtar Aksional për Partneritetin për Qeveri të Hapur. Komentet dhe sugjerimet mund të dorëzohen më së voni deri më 16 gusht 2021 në e-mailin e mëposhtëm: ovp@mioa.gov.mk.
—————————————————
9 Gusht 2021