Facebook Twitter Youtube Flickr Instagram
facebook twitter

НАСТАНИ

„ДАТУМ ЗА РЕФОРМИ?“ - Презентација на компаративна анализа на извештаите на Европската Комисија за напредокот на Северна Македонија

13 јуни, 2019г. Хотел Солун, Скопје 12:00
Датум: 13 јуни 2019г. (четврток)
Локација: Хотел Солун, Скопје
Почеток: 12.00 часот

На 13 јуни 2019 година (четврток), во хотелот Солун во Скопје, со почеток во 12 часот, ќе се одржи презентација на Компаративната анализа на извештаите на Европската Комисија за напредокот на Северна Македонија, насловена како „Датум за реформи”. Настанот е во организација на ЕВРОТИНК – Центар за европски стратегии и Фондација Отворено општество – Македонија, а компаративната анализа се објавува по јубилеен десетти пат.

На настанот ќе се разговара за напредокот на земјата во исполнувањето на политичките и економските критериуми на Европската Унија, како и поглавјата за владеењето на правото (Поглавје 23 и 24). Воедно, панелистите ќе се обидат да дадат одговори на следниве прашања: Дали институциите на Северна Македонија успеаја да се ослободат од политичките влијанија? Оптимисти или песимисти – кои се очекувањата на македонските граѓани во поглед на евроинтеграцискиот процес? Кои се клучните предизвици за да се обезбеди функционална пазарна економија? До каде сме со реформите во правосудството и безбедносните служби – успешно завршена домашна задача или адут во рацете на противниците на проширувањето?

ДНЕВЕН РЕД

11:45 – 12:00 Регистрација и изјави за медиуми

12:00 – 12:15 Воведни обраќања 

Г-н Бојан Маричиќ, Главен технички преговарач со Европската Унија
Г-а Фани Каранфилова-Пановска, Извршна директорка, Фондација Отворено општество – Македонија

12:15 – 13:00 Панел дискусија
Политички критериуми и очекувањата на граѓаните
Г-н Љупчо Петковски, Извршен директор, ЕВРОТИНК – Центар за европски стратегии

Економски критериуми
Г-а Весна Гарванлиева Андонова, Постар истражувач, Центар за економски анализи ЦЕА

Напредок во Поглавје 23
Г-а Данче Даниловска-Бајдевска, Постара програмска координаторка, Фондација Отворено општество – Македонија

Напредок во Поглавје 24
Г-а Магдалена Лембовска, Истражувач, ЕВРОТИНК – Центар за европски стратегии

13:00 – 13:30  Модерирана дискусија

13:30 Ручек