Кои сме ние

Посветени сме на градењето динамично и толерантно општество во кое граѓаните се активни, а властите отчетни, во кое сите ќе имаат еднакви можности да ги искористат своите потенцијали, каде се почитува различното мислење и се негува критичката мисла

Развој на граѓанското општество

Се залагаме за активно учество на граѓаните во општеството - во креирањето на политики и практики кои ќе овозможат слободно, демократско, мултикултурно и мултиетничко општество во кое има место за сите.

Владеење на право и добро управување

Работиме на унапредување на владеењето на правото и зголемувањето на транспарентноста и отчетноста на институциите. Се залагаме за креирање систем кој ќе обезбеди сигурен пристап до правда за сите граѓани подеднакво

Образование и млади

Се залагаме за квалитетно образование, достапно за сите, кое ќе им овозможи на децата и младите да научат критички да размислуваат, да ги почитуваат различностите, но и целосно да ги искористат своите потенцијали.

Здравје и права

Пристапот до квалитетна здравствена заштита за сите ни е приоритет. Се залагаме сите граѓани, а особено маргинализираните да можат да си ги остварат своите здравствени права, без да бидат дискриминирани.

Правно зајакнување

Правно зајакнување значи дека секој од нас треба соодветно да биде информиран за да препознае правен проблем и доволно моќен самостојно да реагира. Активно работиме основните правни услуги да бидат лесно достапни дури и за најмаргинализираните граѓани.

Наши активности

Со донација од ФООМ проширен капацитетот на градинката „Праскичка“ во Росоман

ФООМ заедно со МТСП и Општина Росоман, го отворија адаптираниот дел на градинката „Праскичка“